जग प्रसिद्ध शिव कथा वाचक पूज्य पंडित प्रदिपजी मिश्रा (शिहोरवाले) यांच्या अमृतवानीतून आर्णी जिल्हा यवतमाळ येथे आयोजित सात दिवसीय शिवपुरान कथा कार्यक्रम आयोजित करण्यात आला असून आर्णी येथील बहीरमदेव शिव पुराण कथा सेवा समिती ट्रस्ट कडून हे आयोजन करण्यात आले आहे. ३० मार्च ते ५ एप्रिल २०२६ पर्यंत हे आयोजन असणार आहे.
आर्णी माहूर रोड (जुना) लगत श्री भारती यांच्या शेतात शिवपुरान कथा होणार आहे त्यासाठी आवश्यक मंडपाचे भूमिपूजन संत महंत यांच्या उपस्थितीत करण्यात आले.
शिवपुरान कथे साठी येणाऱ्या भाविकांच्या सोई सुविधा यासाठी आयोजन समिती दिवसरात्र परिश्रम घेत असून.
आजवर आर्णी चा धार्मिक इतिहास बघता यापूर्वी बाबा कंबलपोष यात्रेत बगविकांच्या गर्दी चा रेकॉर्ड झाला होता.आता शिवपुरान कथेच्या निमित्ताने आर्णी शहरात भाविकांच्या गर्दी चा नवा रेकॉर्ड होण्याची शक्यता आहे.
आयोजन समिती कडून दरदिवशी भक्तांना भोजन पाणी व्यवस्थापन स्वच्छता यावर विविध समित्या स्थापन करण्यात आल्या असून हजारो महिला पुरुष भाविकांनी समिती कडे स्वयंसेवक म्हणून नोंदणी केली आहे.
